Kryeministri Edi Rama ka zbuluar rritjen e çmimit të energjisë elektrike për të gjithë ata familjarë që konsumojnë më shumë se 800 kw/h.
Sipas kreut të qeverisë, në këto kategori përfshihen ato familje që jetojnë në ndërtesa të mëdha dhe me pishina për të cilat theksoi se nuk do të paguajë më buxheti i shtetit.
Më tej Rama theksoi se harxhimi i mbi 800 kw/h për konsumatorët familjarë do të paguhet me çmimin e tregut.
“Mbështetja për naftën për taksa për fermerët, mbështetja për TVSH-së së peshkimit. Energjia elektrike. Jemi sot i vetmi vend në rajon dhe në Europë që ka marrë një vendim të prerë politik për të mos prekur çmimin për familjarët.
Ne vazhdojmë të besojmë se duhet t’i mbrojmë konsumatorët familjarë nga rritja e çmimit të energjisë. Kjo mbrojtje rezulton dhe arsye themelore pse kemi inflacionin më të ulët, sesa në të gjithë eurozonën. Sepse nuk kemi rritur çmimin e energjisë.
Por ka një por shumë të madhe. Kemi mbi 90 % të konsumatorëve që konsumojnë më shumë se 800 kw/h dhe kemi një numër më shumë se 6 % që konsumojnë më shumë se 800 kw/h, bëhet fjalë për familjarë me pishina, për të cilat kemi vendosur që s’duhet të paguajë më buxheti i shtetit. Çdo kw më shumë se 800 do të paguhet me çmimin e tregut.”
Discussion about this post