Është rritur sërish numri i viktimave nga Covid-19 në Kosovë, ku në 24 orët e fundit janë shënuar 19 humbje jete.
Ministria e Shëndetësisë në Kosovë njofton se janë regjistruar edhe 279 raste të reja infektimi. Konfirmimi i këyre të dhënave ka ardhur pas testimit të mbi 6 mijë mostrave.
Sot janë shëruar 1.269 qytetarë, ndërsa numri i përgjithshëm i të shëruarve është 143.333. Në total numri i rasteve aktive është 12.464.
Në spitalet e Kosovës janë duke u trajtuar 675 pacientë të infektuar me koronavirus, 44 janë në kujdes intensiv, ndërsa 540 janë duke u trajtuar me oksigjeno-terapi. Ditën e djeshme janë shënuar 14 viktima dhe 368 raste të reja.
