Rritet numri i viktimave nga përmbytjet në Kanada

Katër persona kanë humbur jetën dhe një person rezulton ende rezulton ende i zhdukur pas përmbytjeve që kanë pushtuar Kanadanë.

Shirat e rrëmbyeshëm që goditën provincën e Kolumbisë Britanike të dielën dhe të hënën e kaluar shkaktuan rrëshqitje dheu dhe përmbytje që shkatërruan rrugët dhe infrastrukturën. Tubacioni i naftës Trans Mountain, jetik për industrinë e naftës në Alberta, është mbyllur përkohësisht.

Autoritetet vendosën një kufi prej 30 litrash për furnizimin me karburant për individët për të përballuar ndërprerjen në zinxhirin e furnizimit të shkaktuar nga ngjarja ekstreme klimatike. Kufizimet do të zbatohen për 10 ditë dhe banorëve do t’u kërkohet të kufizojnë udhëtimet për të kursyer karburant.

Brenda disa muajsh, zonat bregdetare të Kanadasë në Paqësor janë goditur vazhdimisht nga fatkeqësitë natyrore, ndërsa meteorologët paralajmërojnë reshje të dendura në javët në vijim.