Dita e sotme ka shënuar sërish rritje të vdekjeve nga koronaviursi në vendin tonë. Përmes njoftimit të publikuar, Ministria e Shëndetësisë tregon që në 24 orët e fundit kanë humbur jetën 17b qytetarë, në moshat 50- 80 vjeç.
“Me gjithë përpjekjet e mjekëve, në 24 orët e fundit nuk e kanë fituar betejën me COVID19 shtatëmbëdhjetë qytetarë: 5 qytetarë nga Tirana të moshave 52-82 vjeç, 3 qytetarë nga Durrësi të moshave 71 -79 vjeç, 2 qytetarë nga Kamza nga 81 vjeç, 2 qytetarë nga Vlora 63 dhe 82 vjeç, 1 qytetare nga Lushnja 51 vjeç, 1 qytetar nga Fushë-Kruja 64 vjeç, 1 qytetare nga Pogradeci 70 vjeç, 1 qytetar nga Kuçova 77 vjeç, 1 qytetare nga Mamurrasi 81 vjeç”, njofton MSH.
Ndër të tjera bëhet me dije se në spitale gjenden të shtruar mbi 150 pacientë, mes tyre një grua shtatzën, e cila ndodhet në gjendje të rëndë. Ndërsa në të gjithë vendin janë aktiv 10,103 pacientë, por në 24 orët e fundit janë regjistruar gati 700 raste të reja.
“Aktualisht në Spitalet COVID po marrin trajtim 155 pacientë, nga të cilët 21 janë në gjendje më të rënduar. Ndër pacientët në gjendje të rëndë në terapinë intensive, është edhe një grua 4-muajshe shtatzënë.
Janë kryer 3,937 testime, nga të cilat kanë rezultuar pozitivë me COVID-19, 680 qytetarë, në këto bashki:
274 qytetarë në Tiranë, 40 në Fier, 35 në Sarandë, 34 në Durrës, 30 qytetarë në Shkodër, 24 Elbasan, 21 në Lezhë, Krujë, Vlorë, 19 në Korçë, 15 në Lushnje, 12 në Kukës, 10 në Divjakë, 9 në Kurbin, 8 në Vorë, 7 në Vau i Dejës, Kamëz, Dibër, G jirokastër, Pogradec, 6 në Malësi e Madhe, 5 në Skrapar, Gramsh, Kuçovë, 4 në Shijak, Rroskovec, Tepelenë, Devoll, Peqin, 3 në Patos, Përmet, Memaliaj, Cërrik, 2 në Mirditë, Kavajë, Mat, Mallakastër, Delvinë, Kolonjë, Dimal, Poliçan, 1 në Pukë, Has, Tropojë, Rrogozhinë, Bulqizë, Selenicë, Libohovë, Dropull, Këlcyrë, Berat, Librazhd”, thuhet në njoftim. Ndërsa bëhet me dije se janë shëruar 996 qytetarë brenda 24 orëve.
E.H/ gijotina.com/
