Nje protestë masive është paralajmëruar nga Organizata politike e cila do të mbahet në Tiranë kundër rritjes së çmimeve të karburanteve si dhe ushqimeve.
Mësohet se protesta do të mbahet më datë 1 maj, në orën 11:00 ku qytetarët do të mblidhen fillimisht në sheshin “Skënderbej” për të marshuar më pas drejt Kryeministrisë.
Sipas Organizatës Politike, Shqipëria po kalon një prej krizave më të rënda ekonomike të 30 viteve të fundit si pasojë e rritjes të të gjitha çmimeve ku vendos theksin tek ushqimet dhe karburanti ndërkohë që qeveria do të rrisë. edhe çmimin e energjisë elektrike.
“Të rinjtë janë pjesa më e nëpërkëmbur e shoqërisë. Shumë prej tyre janë të detyruar të braktisin shkollën. Studentët kanë humbur perspektivën e punës në profesion dhe janë të detyruar të bëjnë punë nga më të vështirat për të përballuar koston e studimeve. Shumica dërrmuese e tyre nuk shohin alternativë tjetër përveç emigrimit.”- mbyllet deklarata e OP-së.
Discussion about this post