Kriza energjitike që po përballet Shqipëria dhe pranimi se vendi ynë do të preket në të ardhmen nga rritja e pakontrolluar e çmimeve, ka shkaktuar revolt tek qytetarët.
Ky reagim ka bërë që të vihet në lëvizje, kryeministri Edi Rama, i cili ka lajmëruar se ditën e nesërme do të mbledhë qeverinë në orën 09:00, për të diskutuar këto çështje për të cilat qytetarët organizuan edhe një protestë së fundmi përpara kryeministrisë.
Menjëherë pas mbledhjes së qeverisë, Rama ka paralajmëruar se do të mbajë edhe një konferencë për mediat, ku do të flasë në lidhje me vendimet e marra gjatë mbledhjes.
