Prej disa javësh çmimi i naftës në vendin tonë ka shkuar gatu 200 lekë/ L dhe sigurisht kjo ishte një goditje e madhe për qytetarët, shoferët dhe bizneset gjithashtu. Por më të prekurit janë operatorët e transportit publik, të cilët thonë se po shkojnë drejt falimentimit. Ky sektor punëson në total 14 mijë vetë, ndërkohë që shoqata kërkon ndërhyrjen e qeverisë.
Këto shqetësime konfirmohen edhe nga kreu i Shoqatës së Transportit Urban dhe Interurban Veri , Dashnor Memaj, i cili tha gjatë një interviste televizive se operatorët janë në kufijtë e mbijetesës. Memaj thotë se, në këto kushte duhet ndërhyrja e qeverisë, duke hequr taksën e qarkullimit, uljen e TVSH-së, si dhe dhënien e subvencioneve.
Aktualisht, në këtë sektor janë të punësuar 14 mijë vetë. Ndërkohë që, pasojat nga rritja e çmimit të naftës, vijnë pas goditjes që i dha pandemia, çka bëri që 20% e operatorëve në treg të mos riaplikojnë për t’u licencuar në ofrimin e këtij shërbimi.
Discussion about this post