Shtrenjtimi i miellit si pasojë e mungesës të importove nga jashtë, ishte shkaku që çmimi i bukës në vendin tonë, prej ditësh, të rritet me 10 % më shumë.
Lidhur me këtë çështje, Autoriteti Kombëtar i Konkurrencës ka bërë me dije se kompanitë e prodhimit dhe importit e tregtimit të miellit janë nën monitorim prej një viti tashmë.
Autoriteti i Konkurrencës gjatë një monitorimi të nisur që në korrik të 2020 konstatoi se kompanitë e kanë vendosur në mënyrë të përbashkët të caktojnë çmimin e shitjes duke kontrolluar prodhimin në tregun e miellit duke shkelur kushtet për mbrojtjen e konsumatorit.
Për këtë Autoriteti i Konkurrencës ka detyruar këto kompani të mos caktojnë, në mënyrë të drejtpërdrejtë ose të tërthortë, çmimet e blerjes ose të shitjes dhe mos kufizojnë ose kontrollojnë prodhimin, në të kundërta do të ketë penalitete.
Ky autoritet nuk ka vendosur asnjë masë ndëshkuese ndaj prodhuesve të bukës apo importuesve të miellit, por i ka toleruar ata duke i paralajmëruar që të bëjnë kujdes. Megjithatë aktualisht situata është ende nën monitorim dhe nuk ka një vendim.
