Kreu i Autoritetit të Konkurrencës, Denar Biba, deklaroi ditën e sotme në seancën dëgjimore në Komisionin e Ekonomisë se kanë nisur hetimet ndaj karburanteve për rritjen e çmimit të naftës. Biba tha se rritja mund të jetë ndikuar nga tregjet e jashtme ndaj ka nisur hetimi, i cili sipas tij do të mbyllet shumë shpejt.
“Çmimet janë të rëndësishme. Ne kemi vendosur prej një jave monitorimin e tregut të hidrokarbureve, pra indikatori ishte rritja e menjëhershme në unison e çmimit, mund të jetë një nga indieciet e një marrëveshje të ndaluar, mund të jetë e ndikuar nga tregjet e jashtme, prandaj kemi vendosur hetimin për një periudhë që të jetë sa më e shpejtë brenda kapaciteteve tona“, tha Biba.
Kujtojmë se, gjatë 2021 çmimi i naftës janë rritur 5 herë brenda vitit, ndërsa në fund të janarit të këtij viti çmimi i naftës shkoi në 200 lekë për litër. Megjithatë, ka shumë gjasa që dhe ky hetim të përfundoj si i pari, pa asnjë ndëshkim dhe faji do “të mbetet jetim”. Kujtojmë se pak muaj më parë AK mbylli një hetim të thelluar për pikat e karburantit dhe pavarësisht se auditimi nisi me hapa galapan ngaqë ishin konstatuar paraprakisht shkelje, në përfundim AK deklaroi se nuk kishte asnjë abuzim me çmimet. Në të vërtetë dukej ashiqare që kishte abuzime, duke qenë se tek ne karburantet shiten me çmimet më të larta në rajon. Shpresojmë që këtë herë dikush të mbajë përgjegjësi për faktin që po blejmë naftë me çmimin rekord, pavarësisht se jemi vet një vend prodhues dhe përpunues.
Discussion about this post