Kryeministri Edi Rama i është përgjigjur mëngjesin e sotëm pyetjeve të ndryshme të bëra nga qytetarët të cilat kryesisht përqendroheshin tek kriza energjitike, rritja e çmimeve dhe rrogat e ulëta.
Një ndër pyetjet kishte të bënte dhe më rritjen e çmimit të naftës, ku Rama tha se ajo që konsumohet në vendin tonë vjen nga jashtë përmes subjekteve private që e blejnë në bursë, dhe në momentin që aty rriten çmimet, e njëjta gjë ndodh edhe në Shqipëri.
Ai nuk ka nguruar të normalizojë rritjen e çmimeve duke thënë se sipas tij, janë nën koston reale falë ndërhyrjes së shtetit.
Artur Hasabelliu: Në një vit Shqipëria prodhon rreth 1.5 milion ton naftë dhe konsumon rreth 0.6 milion ton. Shqipëria prodhon deri në 8.5 milion MËH energji elektrike dhe konsumon mesatarisht 7.5 milion MËH
Edi Rama: Shqipëria nuk e prodhon sasinë e naftës që konsumon, së pari. E dyta, nafta që prodhon Shqipëria është shumë e rëndë që shkon kryesisht në tregjet ndërkombëtar për prodhime industruale. Ndërkohë rreth 600 mijë ton që konsumohen në vendin tonë në fomën e bezninës dhe gasolinës janë pjesë e një importi. Gjenerohet nga subjektet private që e blejnë sipas çmimit të bursës ndërkombëtare.
Sami Bici: Po kur e bëjmë vetë energjinë dhe hidrokarburet pse mos e ulim e jo ta çojmë se të ardhurat janë minimale?
Edi Rama: Ne prodhojmë vetëm një pjesë të energjisë që konsumojmë dhe kjo na ndihmon që të kemi një çmim të rregulluar. Edhe sot që flasim kemi një çmim nën koston reale falë subvencionimit nga shteti për të mbrojtur konsumatorin familjar, biznesin e vogël dhe atë të madh.
Akuzave se përse nuk ka ende një rritje rroge iu është përgjigjur se kjo nuk bëhej pa u rishikuar buxheti për vitin që vjen.
