Ish-ministri i Shëndetësisë, Tritan Shehu ka vijuar me reagimet e tij në Facebook rreth situatës me Covid-19 që po kalon vendin ynë, duke thënë se rrezikojmë dy-fishin e vdekjeve të vitit të kaluar.
Shehu fajëson qeverinë, teksa shkruan se jemi një ndër vendet me nivelin më të ulët në botë sa i përket vaksinimit të plotë nën 26% të popullsisë, duke mos u krahasuar me Afrikën që është 35 %.
Ai shprehet se vaksinat kineze që qeveria ka siguruar për vaksinimin janë të paefektshme, ndërsa nuk harron të përmendë gjendjen e rëndë të sistemit shëndetësor.
“Shqipëria sot ka një nga nivelet më të ulëta në botë të vaksinimit të plotë, nën 26% të popullsisë, kur mesatarja botërore me Afrikën, Azinë, brenda është 35%, pa asnjë perspektivë përmirësimi. Shqipëria edhe me keq, ka shumicën e vaksinave kineze, të pa certifikuara dhe të pa efektshme. Shqipëria nuk ka asnjë përgatitje për uljen e moshës së vaksinimit në 12 vjeç e aplikimin e dozës së tretë. Po t’i shtojmë këtyre gjendjen e rëndë të sistemit tonë shëndetësor, mungesën e masave përmirësuese, reanimacioneve, laboratorëve, liberalizimit të testimeve, forcimit të mbrojtjes së personelit etj, gjendja behet...”
Ndër të tjera, ai shprehet se kjo qeveri “vazhdon të fshihet si struci nga e vërteta”, paralajmëron se “ndryshe rrezikojmë që viti i kaluar të duket si një “shëtitje” me atë që po vjen”.
