Ministria e Shëndetësisë ka vendosur sot të shtyjë afatin për ndalimin e grumbullimeve në vende të hapura dhe të mbyllura, për shkak të rritjes së shifrave nga koronavirusi. Gjithashtu, qëndron po i njëjtë orar policore. MSH bënë me dije se, këto masa duhet të qëndrojë sepse varianti “Delta” është shumë më i rrezikshëm.
“Për ndalimin e grumbullimeve në vende të mbyllura apo të hapura”, të ndryshuar të mbështetje të nenit 102, pika 4, të Kushtetutës së Republikës së Shqipërisë, të nenit 7, pika 4, të ligjit nr. 15/2016, “Për parandalimin dhe luftimin e infeksioneve dhe sëmundjeve infektive”, të udhëzimeve të Institutit të Shëndetit Publik, me qëllim mbrojtjen e shëndetit të popullatës nga infeksioni i shkaktuar nga COVID -2019, si edhe në zbatim të vendimit të Komitetit të Përkohshëm për Infeksionin e Përhapur nga Coronavirusi i ri”, thuhet në njoftim.
Kujtojmë se, kjo masë ishte në fuqi deri më datë 06 shtator, por ministria e ka zgjatur deri më 20 shtator. Urdhri është firmosur nga ministrja e Shëndetësisë, Ogerta Manastirliu, dhe është publikuar në fletoren zyrtare.
Aktualisht në vendin tonë është në fuqi ora policore, e cila nis në orën 23:00 deri në 06:00 të mëngjesit, si dhe mbajtja e maskës në ambientet e mbyllura.
E.H/ gijotina.com/
