Kryetari i Bashkisë Bulqizë do të kujtohet gjithmonë si kryebashkiaku i rrugëve të çuditshme me shpenzime të mëdha. Aktualisht Lefter Alla ka nisur njw fushatw ndwrtimesh me fondet e bashkisw. Mw datë 16 nëntor 2022, Lefter Alla ka mbyllur një tender abuziv, me të cilin planifikon të rikonstruktojë rrugën “Topojan”. Bëhet fjalë për prokurimin me numër reference REF-45725-10-13-2022 dhe objekt “Sistemim Asfaltim i Rrugës Topojan”. Ky projekt është regjistruar nga Open Data si tender me “Flamur të kuq” sepse ka mungesë konkurrence.
Në dokumentet e publikuara evidentohet se, që nga data e njoftimit të tenderit, deri në mbylljen e garës ka paraqitur ofertë vetëm kompania “SELAMI SHPK”. Këtu nisin edhe shkeljet e para të Lefter Allës, i cili e ka shpallur këtë kompani fituese pa garë.
Ndërkohw, vërehet se fituesi ka paraqitur ofertë me vlerë 11. 628 130,00 lekë, sa 90% e fondit limit. Pra, kryebashkiaku ka shkelur pikën për konkurrencën dhe fondin limit në ligjin e prokurimeve.
Patjetër që bie në sy edhe fondi 120 milionë lekë të vjetra që do të shpenzohet për këtë tender. Sepse projekti në fjalë është për shtrimin e një rrugë, që në fakt është në përmasat e rrugës që kemi paraqitur në foto. Me pak fjalë një rrugicë! Të paktën shpresojmë këtë herë të bëhet sipas standardeve.
2.1 miliardë lekë për Rrok Gjokën
Lefter Alla ka gjetur bashkëpunëtorin më të mirë për të kryer punët gjysmake. Pas projektit për rrugën, në të njëjtën ditë Bashkia Bulqizë ka mbyllur pa garë edhe prokurimin për ndërtuar njw impiant tw pwrpunimit të ujërave të zeza. Tani që po i mbaron mandati u kujtua Lefteri ta “zgjidhw” kwtw problem! Po, në fakt e zgjoi nga gjumi Rrok Gjoka, i cili njihet mirë për punët me tw meta që ka kryer në disa projekte. Kujtojmë se kompania e tij “Gjoka Konstruksion” mori miliarda lekë për rrugën e Arbrit dhe nuk iu përmbajt kontratës me MIE-në.
Ndërsa, gjithashtu është përcaktuar si një nga kompanitë që merret me ndërtimet për Unazën e Madhe. Tashmë Gjoka nuk ka lënë pa marrë para edhe nga bashkitë e vogla. Kështu në tenderin që po flasim në Bulqizë kanë paraqitur ofertë edhe 4 kompani të tjera.
Por, Lefter Alla i ka skualifikuar me justifikimin se nuk kanë deklaruar numrin e fuqisë punëtore që duhet për këtë projekt. Kështu, menjëherë tenderi i është falur kompanisë “Gjoka Konstruksion”.
Rruga e çuditshme
Një vit më parë ai harxhoi miliona lekë për ndërtimin e rrugës me strukturën alla Lefter. Sikur duket dhe në foto, kjo është rruga e paparw ndonjëherë.
Por, asaj kohe Alla jo vetëm që nuk mbajti përgjegjësi por tha se “Kam qeshur edhe vetë me memet. Po, zotërinj, po! Me vetëm dy fadroma që kanë punuar pa pushim në shtatë ditë të javës bëmë atë që s’ishte bërë në pothuajse tre dekada nga paraardhësit e mi në detyrë. Me vetëm dy fadroma të bashkisë arritëm tek të gjithë, duke vlerësuar njeriun e dinjitetin e tij, e duke përçmuar çdo praktikë të shëmtuar që ndër vite i ka kategorizuar atë në të nënës e të njerkës“, ka deklaruar ai asaj kohe.
Dhe çudia më e madhe tre ditë zgjat në Shqipëri, ashtu kaloi edhe ky rast. Pa asnjë kërkesë llogarie, pa asnjë masë të marrë nga instancat përkatëse. Epo, si duket Alla ka përfituar nga ky tolerim dhe vazhdon me projektet e tij për rrugë. Sigurisht, duhen para` përpara zgjedhjeve!
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016
Discussion about this post