Italia qendrore është përfshirë nga moti i keq. Qytetet e rëndësishme si Firenze, Roma, Napoli dhe Benevento pas reshjeve janë përmbytur. Por edhe pse situata paraqitet e vështirë, kjo gjë nuk i ka penguar të shkojnë të votojnë, në zgjedhjet parlamentare që po mbahen sot.
Teksa qendrat e votimit në të gjithë vendin do të qëndrojnë të hapura deri vonë, në rrjet po qarkullon një foto e një qytetari në ishullin e Ischias, i cili po shkon të votojë me kanoe.
Qytetari është fotografuar në rrugën Lacco Ameno, teksa i drejtohet qendrës së votimit.
“Ndodh gjithandej, do të votoj me kanoe” shkruhet në postimin e publikuar në Facebook nga banori i ishullit i cili u përjetësua menjëherë në një foto nga kalimtarët teksa përpiqet të arrijë në destinacionin e tij.
Discussion about this post