Qeveria vazhdon të jetë me pushime sa i takon detyrimeve ndaj popullit. Infrastruktura në Lagjen SMT në Lezhë është në një gjendje katastrofike. Siç e shihni edhe në videon e siguruar nga Gijotina.com rruga në brendësi të lagjes është degraduar plotësisht, duke u bërë thuajse e pakalueshme nga banorët, ndërsa më e vështirë është edhe për fëmijët të cilët do u duhet të kalojnë gropat e mëdha me ujë për të shkuar në shkollë. Banorët shprehen se ndonëse kanë marrë premtime në çdo fushatë elektorale, në këtë rrugë nuk është investuar prej 30 vitesh ku lëvizja e tyre është mjaft e vështirë.
“Kjo rrugë është shumë problematike, nuk kemi si i çojmë edhe fëmijët nëpër shkolla. Ka shumë vite që është kështu në këtë gjendje e parregulluar. Në këtë vend edhe koshat e plehrave nuk pastrohen as drita nuk ka edhe rrugët siç e shikon janë të parregulluara, në paguajmë taksat edhe asnjë gjë nuk na kanë rregulluar, gjithë qytetarët ja kanë paguar ato taksa bashkisë edhe nuk jepet asnjë lloj zgjidhje në këtë drejtim”, është shprehur qytetari.
Megjithatë veç problemit me infrastrukturat banorët ankohen për mungesën e kanalizimeve të ujerave të zeza dhe të energjisë elektrike.
“Premtime kemi pasur disa herë , por lagja jonë mbetet kështu. Kërkojmë ndërhyrje në rrugë, kanalizime, drita dhe koshat e mbeturinave. Njeriu do që të ecë, po jo kështu në ujë, me këto rrugë s’ke ku kalon”, është shprehur një tjetër.
Banorë: Kjo rrugë është vërtet problematike, sidomos tani që ka kohë me shira të tepruara, detyrimisht është problematike se lëvizin fëmijë të vegjël që nuk kanë mundësi, urojmë që të verë dorë shteti sa më shpejt e të zgjidhet.
Shqetësimin për këto probleme banorët e kësaj lagje i kanë ngritur edhe ne bashki duke kërkuar që të ndërhyjnë sa më shpejt, por që shqetësimet e tyre 30 vjeçarë nuk kanë marr asnjëherë zgjidhje. / A.L gijotina.com /
