Presidenti i Serbisë, Aleksander Vuçiç ka udhëtuar ditën e sotme drejt Stambollit ku është takuar me homologun e tij turk, Rexhep Tayip Erdogan. Erdogan dhe Vuçiç u takuan në Vahdettin Mansion në Stamboll.
Edhe pse takimi u zhvillua me dyer të mbyllura, pa praninë e mediave, Vuçiç dhe Erdogan thuhet se kanë diskutuar për shumë çështje, marrëdhëniet dypalëshe dhe çështjet rajonale.
“Mëngjes dhe bisedë private nën pamjen e Bosforit”, shkruan Vuçiç teksa ka njoftuar për takimin me Erdogan.
Thuhet se temë bisede mund të jetë edhe çështja e Kosovës, pasi presidenti turk ka shprehur hapur mbështetjen e tij ndaj pavarësisë së Kosovës, madje ka nisur edhe fushatë ndërkombëtare për njohjen e saj.
