Rrëshqitja e gurëve shkëmborë dhe dherave së fundmi janë raportuar si burim aksidentesh. Ndërsa bashkitë nuk kanë ende asnjë masë apo ndërhyrje për t’i dhënë fund këtij problemi infrastrukturor, që po merr jetë njerëzish.
Sot, gijotina.com raporton se shirat e pandërprerë që kanë filluar që prej mëngjesit në qarkun e Beratit, kanë sjellë problematika të shumta në aksin nacional Berat-Skrapar. Rruga është mbushur me gurë, ndërsa shoferët thonë se institucionet nuk kanë ndërhyre fare.
“Nuk ka asnjë ndërhyrje nga shteti”. Për drejtuesit e mjeteve kjo situatë është e vazhdueshme, dhe është bërë rrezik për ta.
“Nuk është hera e parë, as hera e fundit. Kjo është një pjesë shumë e rrezikshme, unë e bëj përditë këtë rrugë dhe gjithmonë që ka reshje është keq.”
Prej vitesh është folur për një projekt madhor siç është rrethimi i zonës kodrinore me rrjeta metalike por projekti ka mbetur vetëm premtim.
Discussion about this post