Kryeministri holandez, Mark Ruette ka mbërritur në Tiranë në kuadër të një turi që po zhvillon në Ballkanin Perëndimor. Mark u prit me një ceremoni zyrtare në Pallatin e Kongreseve të organizuar nga kryeministri Rama, ku pas takimit më dyer të mbyllura, po mbajnë dhe një konferencë për mediat.
Në fjalën e tij, Ruette ka konfirmuar pas dy refuzimesh, se Holanda është pro çeljes së negociatave për Shqipërinë, por edhe këtë herë ai vendosi një “kusht” duke thënë se për të mbajtur konferencën e parë ndërqeveritare, duhet të zgjidhet konflikti mes Bullgarisë dhe Maqedonisë së Veriut.
“Jam i lumtur që të hedhim hapin e parë për procesin e anëtarësimin në BE. Për të nisur konferencën e parë ndërqeveritare duhet të zgjidhet konflikti mes Bullgarisë dhe Maqedonisë së Veriut. Ne biem dakord që të fillojmë këto negociata sepse është bërë progresi i duhur, duhet të përfshihemi në proces dhe si të bëjmë një proces për ta çuar Shqipërinë përpara në disa fusha, bujqësi, eksporte, në mënyrë që mos jetë po ose jo, por të jetë një proces për të ecur përpara. Dy vendet tona po bashkëpunojnë ekonomikisht, eksporte, thuajse se gjysma e eksporteve shkojnë drejt vendeve të BE, Holanda është investiuesi më i madh në Shqipëri”, tha ai.
Holanda ka qenë një ndër vendet më skeptikë për çeljen e negociatave të Shqipërisë më Bashkimin Europian. Ky shtet e ka refuzuar dy herë hapjen e negociatave, ndërsa herën e tretë kur dha dritën jeshile, ishte Bullgaria që bllokoi gjithçka. Aktualisht nuk ka një datë për çeljen e negociatave të Shqipërisë me BE.
Discussion about this post