Kryetari i Partisë së Lirisë Ilir Meta, në një intervistë në News24, ka komentuar ngjarjen në Gramsh, ku disa rusë hynë në një uzinë të prodhimit të armëve. Meta theksoi se jo vetëm kjo ngjarje, por edhe shpopullimi e të tjera fenomene cenojnë sigurinë tonë kombëtare.
Ish-presidenti deklaroi se Rama nuk mori parasysh as kërkesat e Zelenskyt, që të ndaloheshin rusët të hynin në Shqipëri, së paku për këtë periudhë, kur situata në Ukrainë nuk është e qetë.
“Problemi ynë janë njerëzit që punojnë kundër interesave kombëtare të Shqipërisë, që i kemi në krye të institucioneve. Kjo është një çështje që duhej të ishte zgjidhur me kohë, sepse Zelensky ia ka kërkuar Ramoviçit që të ndalojë rusët që të hyjnë në territorin tonë gjatë kësaj kohe. Ka probleme më të rënda siguria kombëtare, sepse janë trafikuar interesat tona sovrane me shpopullimin e vendit. Unë si president i Republikës dhe si kryetar i Këshillit të Sigurisë Kombëtare, që të parandaloja vjedhjet masive në Rinas, kemi lënë detyra se çfarë do bënte policia, SHISH etj. Rezultati ishte që pas 2 muajve u vodh prapë atje në mes të ditës miliona euro, këto vidhen sepse lidhja e tyre me qeverinë është shumë e fortë, është garanci e fortë që ndodhin veprime kaq të rënda që cenojnë sigurinë. Unë sido përshëndes çdo masë që merret për të ruajtur sigurinë kombëtare. Përgjegjshmëria e shtetit ka rënë në tokë”, tha Meta.
Discussion about this post