Ushtria ruse ka shtuar bombardimet mbi Kiev, për të marrë plotësisht atë. Mediat në Ukrainë shkruajnë se sulmet janë bërë të ditura nga kryebashkiaku Vitali Klitschko. Ai ka thënë se këtë mbrëmje rusët kanë nisur sulmet në Kiev, duke mos kursyer shtëpitë private në lagjen Podilskyi.
“Në mbrëmje, armiku qëlloi përsëri në Kiev. Predhat goditën disa shtëpi private në lagjen Podilskyi. Ekipet e shpëtimit dhe mjekët po punojnë në vend”, ka deklaruar kryebashkiaku.
Kujtojmë që sot ndodhemi në ditën e 21 të pushtimit rus në Ukrainë. Deri më tani atje janë shënuar mijëra viktima në të dyja kampet, ndërsa në Ukrainë regjistrohen dhe shkatërrime të përmasave të mëdha.
Discussion about this post