Zërat për një grusht shteti në Moldavi të planifikuar nga Rusia duket se nuk janë të vërteta, të paktën, sipas Kremlinit. Deklaratat e presidentes së shtetit të vogël europianolindor, Maia Mandu, sipas të cilës, Rusia po organizon një grusht shteti për të rrëzuar qeverinë moldave, cilësohen nga Moska si akuza të pabaza.
“Këto janë akuza të cilat ne i konsiderojmë taktikë të Shteteve të Bashkuara të Amerikës me objektiv krijimin e tensioneve mes Rusisë dhe shteteve të Europës aleate me Uashingtonin” u shpreh zëdhënësja e Ministrisë së Jashtme të Rusisë, Maria Zakharova. Zëdhënësja, shtoi më pas se këto akuza, po përdoren nga perëndimi si justifikim për aksionet e tij ndaj shtetit rus.
Discussion about this post