Situata delikate në veri të Kosovës, ka tërhequr vëmendjen e diplomacisë ndërkombëtare, duke bërë që të ketë mesazhe për ulje të tensioneve, nga shumë aktorë të rëndësishëm të politikës botërore.
Një nga këta është dhe Rusia, me qeverinë e Kremlinit, që është shprehur e shqetësuar për atë që, sipas zyrtarëve rusë, po ndodh me serbët në atë zonë të Ballkanit.
“Moska është e alarmuar nga një tjetër rritje e përshkallëzimit në Kosovë që paraqet kërcënim për popullin e Serbisë”.
Kështu u shpreh të shtunën zëdhënësja e Ministrisë së Jashtme ruse, Maria Zakharova, shkruan Tass.
“Jemi të alarmuar me përshkallëzimin e fundit të dhunës në krahinën autonome serbe të Kosovës. Situata po del jashtë kontrollit duke paraqitur një kërcënim të drejtpërdrejtë për ekzistencën e serbëve të Kosovës”, theksoi ajo.
Diplomatja u shpreh se shkaku i përshkallëzimit aktual i ka rrënjët në “politikën e spastrimit etnik, pogromeve, dëbimit dhe terrorit kundër serbëve të ndjekur nga autoritetet shqiptare të Kosovës.
“E gjithë kjo po ndodh nën marrëveshjen e SHBA-së dhe BE-së, të cilat vendosin kundër kufizimit të ultra-radikalëve në Prishtinë. Në vend të kësaj, Perëndimi kërkon mënyra të reja për të ushtruar presion mbi Beogradin dhe popullin serb, për të sajuar akuza të paturpshme, duke përfshirë edhe Kishën Ortodokse Serbe”, përfundoi Zakharova.
Discussion about this post