Vetëm pak kohë pas kërcënimeve të Rusisë ndaj Bosnje-Hercegovinës ka reaguar Ambasada e SHBA në Sarajevë. Kujtojmë se në një deklarate ambasadori rus u shpreh se nëse Bosnjë-Hercegovina do të anëtarësohet në NATO do e pësojë keq. Në reagimin zyrtar ambasada e SHBA thekson se këto janë kërcënime të rrezikshme, duke shtuar se askush nuk mund të futet mes vendeve të lira dhe NATO-s. “Kërcënimet e fundit të ambasadorit rus ndaj Bosnje dhe Hercegovinës janë të rrezikshme, të papërgjegjshme dhe të papranueshme”, thuhet në reagimin e ambasadës amerikane.
Më tej në njoftimi e ambasadës së SHBA thuhet se Amerika do të jetë në krahë të Bosnjë-Hercegovinës në të gjitha hapat drejt integrimit në komunitetin ‘Eruoatlantik” “Ne do të vazhdojmë të qëndrojmë me vendosmëri në krah të Bosnjë-Hercegovinës, ndërsa ajo ndërmerr hapat e nevojshëm për ta siguruar vendin e saj në komunitetin euro-atlantik të kombeve”, thuhet tutje në reagim. Ndërsa i bën thirrje Rusisë të ndal provokimet dhe nxitjen e luftës, pasi do të jetë ajo që do e pësojë keq.
Discussion about this post