Autoriteti i Aviacionit Civil Rus ka konfirmuar se shefi i Wagner-it, Yevgeny Prigozhin ishte në mesin e 10 personave që ndodheshin në bordin e avionit të rrëzuar pasditen e së mërkurës në veri të Moskës. Më herët mediat e huaja raportuan se të gjithë personat e ndodhur në bord kishin vdekur.
Pak më parë, një kanal në telegram që besohet të jetë i lidhur me grupin Wagner tha se Yevgeny Prigozhin ka vdekur. Grey Zone shkroi se ai ishte “vrarë si rezultat i veprimeve të tradhtarëve të Rusisë”.
“Kreu i Grupit Wagner, një Hero i Rusisë, një patriot i vërtetë i Atdheut të tij – Yevgeny Viktorovich Prigozhin vdiq si rezultat i veprimeve të tradhtarëve ndaj Rusisë. Por edhe në ferr, ai do të jetë më i miri. Lavdi Rusisë”, shkroi Grey Zone në Telegram.
Përplasja e avionit erdhi pak muaj pasi ai e nisi Wagnerin në një marshim drejt Moskës, duke synuar në largimin e Putinit nga pushteti.
Sipas mediave të huaja, Agjencia Federale e Transportit Ajror të Rusisë ka publikuar një listë të pasagjerëve në bordin e avionit të rrëzuar:
Yevgeny Prigozhin, themeluesi i Grupit Wagner
Dmitry Utkin, bashkëthemeluesi i Wagner
Sergej Propustin
Yevgeny Makaryan
Alexander Totmin
Valeriy Chekalov
Nikolai Matuseev
Anëtarët e ekuipazhit ishin:
Aleksei Levshin, komandant
Rustam Karimov, bashkë-pilot
Kristina Raspopova, stjuardesë
Mësohet se bashkëthemeluesi i Wagner dhe aleati i ngushtë i Prigozhin ishte gjithashtu në aeroplanin që u rrëzua sot.
Utkin ka qenë një figurë që ka refuzuar të shfaqet në publik gjatë viteve të fundit, teksa dalja e tij e fundit raportohet të ketë qenë në vitin 2016.
Edhe Grupi Wagner ka deklaruar se Progozhin është vrarë, teksa kanë potencuar se ai ‘u ekzekutua’ nga ‘tradhtarët e Rusisë’.
Discussion about this post