Një banor i Mariupolit thotë për BBC-së se zhurma e bombardimeve vazhdon, pavarësisht marrëveshjes së armëpushimit me Rusinë që supozohej të fillonte në orën 09:00 dhe të përfundonte në 16:00.
“Tani për tani jam në Mariupol, jam në rrugë. Dëgjoj granatimet çdo tre deri në pesë minuta. Korridori i gjelbër është i pakuptimtë. Unë mund të shoh makina të njerëzve që u përpoqën të iknin dhe ata po kthehen”, thotë Alexandër, inxhinieri 44-vjeçar.
Ndërkohë, presidenti Volodymyr Zelensky ka thënë se NATO do të jetë përgjegjëse për vdekjet e ukrainasve për shkak të refuzimit të saj për të ndihmuar Kievin të mbrojë qiellin e tij nga avionët luftarakë rusë.
NATO hodhi poshtë kërkesën e Zelenskit për një zonë ndalim-fluturimi për të shmangur tërheqjen në konflikt me Rusinë, por presidenti ukrainas tha se aleanca “i ka dhënë dritën jeshile” një fushate të përshkallëzuar ajrore ruse.
Discussion about this post