Një nga mediat më të mëdha ruse, “Russia Today ka transmetuar një dokumentar mbi tensionet e muajit të kaluar në kufirin mes Kosovës dhe Serbisë. Dokumentari i titulluar “Serbia: Shenjat e Luftës”, Kosova konsiderohet si një shtet i vetëshpallur apo si një rajon i Serbisë. Në reportazh bëhet edhe një krahasim mes rajonit të Krimesë në Ukrainë që u aneksua nga Rusia me situatën në Kosovë. Në këtë dokumentar flitet vetëm për jetesën e serbëve në veri të Kosovës.
“Konflikti në Kosovë është ndezur sërish. Trazirat e fundit në rajonin e kontestuar filluan pasi u njoftuan planet për ndalimin e targave serbe dhe futjen e lejeve për serbët që hyjnë në rajonin e Kosovës. Kohët e fundit, Kosova dhe Serbia arritën një marrëveshje për shtyrjen e këtij ligji për mosnjohjen reciproke të letërnjoftimeve dhe targave të Serbisë dhe Kosovës deri më 1 shtator. Ai ndihmoi në zbutjen e fazës akute të konfliktit, por nuk e bëri zgjidhjen e problemeve thelbësore ndërmjet Serbisë dhe rajonit të kontestuar” – citohet në dokumentar.
“Kosova është një krahinë jugore serbe e pushtuar aktualisht nga forcat e NATO-s që po e kthejnë atë në një shtet artificial, të kriminalizuar” – thotë Fedja Dimovic, këngëtari kryesor i Beogradski Sindikat.
Dokumentari gjithashtu thotë se njerëzit në Serbi besojnë se udhëheqja ka qenë e ngadaltë për të vepruar, se është koha për të zgjidhur çështjen e Kosovës në të njëjtën mënyrë që Rusia e ktheu Krimenë.
“Një numër në rritje i njerëzve në Beograd besojnë se udhëheqja serbe ka qenë e ngadaltë për të vepruar, se është koha për të zgjidhur çështjen e Kosovës në të njëjtën mënyrë që Rusia e ktheu Krimenë – se rajoni duhet të kthehet në shtëpi” – provokon dokumentari i “Russia Today”.
https://www.youtube.com/watch?v=fymOQShXZaQ
Discussion about this post