Të jesh partnerja e një prej këngëtarëve më të komentuar dhe simpatikë si Ledri Vula nuk është aq e thjeshtë. Megjithatë, Sara Hoxha ka vendosur ta marrë me qetësi dhe sportivitet.
Videoklipet e Ledit janë gjithnjë të realizuara me protagoniste modele seksi dhe skena të nxehta mes tyre. As në këngën e re nuk kanë munguar të tilla skena teksa në njërën prej tyre, reperi shfaqet me Nutella.
Dhe me këtë gjë, një nga miqtë e çiftit ka ngacmuar Sarën. Ai ka publikuar një video në rrjetin social Instagram ku shkruan: “Sara, si mendon sa goca e kanë ngrënë me sy këtë ‘Nutella-n’ e Ledrit?” Teksa e ka bërë repost në Instastory, Sara ka dhënë një përgjigje tipike duke shkruar: “Unë e para, o zog.”
Kujtojmë se Ledri Vula dhe Sara Hoxha janë padyshim një ndër çiftet më të komentuar dhe më të pëlqyerit në showbizin shqiptar. Nëpërmjet postimeve në rrjetet sociale, Sara ndan shpesh momente nga përditshmëria me vajzën e tyre Poem Blu dhe Ledrin.
Discussion about this post