Nga 1 nëntori të gjitha bizneset që japin apartamente me qira në platformat booking apo air bnb, do të taksohen 20% mbi komisionin që paguajnë në booking nëse nuk kanë një NIPT të vendosur, në të kundërt taksimi do të jetë vetëm 6%.
“Institucionet shqiptare janë të lidhura me booking, ata kanë të drejtë të hyjnë në rezervimet tona online dhe aty monitorojnë çdo gjë”, thotë Dorentina Krraba, sipërmarrëse.
Taksa që duhet paguar është një shumë e ndryshme në varësi të qirasë së një apartamenti për një natë.
“Mund t’i bjerë diku, varet nëse një apartament është 40 euro, i bie 12% diku tek 3-4 euro dhe mbi këtë taksim shteti do japim 6% e kësaj, është diku tek gati 1 euro”, tregon ajo.
Ndonëse për sipërmarrësit nuk është një shifër që i pengon në aktivitetin e tyre, ata përsëri nuk e përjashtojnë mundësinë e rritjes së çmimeve për rezervime.
Ndonëse kjo skemë do të nxjerrë në pah ata që janë të rregull sa i takon ligjeve, përsëri ekspertët thonë se nuk do të arrihet formalizimi i plotë i sektorit, pasi shumë subjekte japin shtëpi apo apartamente me qira nëpërmjet rrjeteve sociale si Facebook dhe Instagram. Regjistrimi i këtyre strukturave sipas ekspertëve është e domosdoshme, pasi ata qarkullojnë shumë të ardhura në informalitet dhe nuk kontribuojnë në buxhet./ Euronews Albania/
Discussion about this post