Gazetari i njohur i sportit, Pano Xhixho ka zbuluar arsyen pse Armando Broja nuk ka udhëtuar me ekipin kombëtar për ndeshjen që do të luhet me Andorën mbrëmjen e sotme në orën 20”45 në stadiumin ‘Air Albania’.
Nga emisioni ‘Skaner’ Xhixho ka treguar se Broja i ka thënë rrethit të tij të ngushtë se nuk do të shkojë më në Kombëtare, për sa kohë të jetë trajner Edoardo Reja.
“Unë tani po ju zbuloj se çfarë ka thënë Armando Broja në rrethin e ngushtë. Ai ka thënë se për sa kohë që të jetë Reja si trajner, nuk do të vijë më në Kombëtare. Nuk është 100% e sigurt, por janë nga burime të afërta. Madje ndaj Polonisë, Broja u nervozua dhe hodhi jelekun. Nuk ka marrëdhënie dashurie mes tyre. Ka kërkuar që gjithmonë të jetë titullar dhe Reja e spostonte vëmendjen. Broja është një lojtar shumë pak i shërbyer. Po të shikosh golat e tij, janë aftësi individuale. Duket që ka një inat, që e nxjerr te ato goditje. Nuk i shërbejnë. Te Southampton janë gola skuadre. ”, u shpreh Xhixho
Ndërsa rikujtojmë se Armando Broja ka qenë nga ata lojtar që ka bërë gjithmonë diferencën në fushë, sado pak minuta që i janë lënë në dispozicion./K.T/Gijotina.com
Discussion about this post