Prokuroria e Posaçme ka zyrtarizuar hetimin për katër vepra penal ndaj ish-zv.kryeministrit Arben Ahmetaj.
Hapi i radhës që mbetet në kompetencë të SPAK është nëse kjo strukturë do ti drejtohet Kuvendit me kërkesë për heqjen e mandatit të deputetit apo jo, ish-numrit dy të qeverisë. I ftuar në emisionin “Shqipëria LIVE”, gazetari Elkeir Bushkolaj deklaroi se nëse ish-ministri shpallet fajtor, ai rrezikon minimumi 15 vite burg.
“SPAK ka dërguar kërkesa në vendet e huaja për të zbuluar nëse ka llogari bankare të padeklaruara. Nga ana tjetër, në mënyrë që të nisë kontrolli dhe hetimi ndaj Ahmetajt, duhet që Parlamenti t’i heqë imunitetin e deputetit. Kërkesa e SPAK për të hequr imunitetin e ish-ministrit do vije brenda disa ditësh, do ketë zhvillime së shpejti në këtë drejtim.
Nëse akuzat vërtetohen Ahmetaj rrezikon deri në 15 vite burg. Por hetimet mund të ndryshojnë hetim. Sepse siç ndodhi me Saimir Tahirin, që në fund u dënua vetëm për shpërdorim detyre. Ai ka menaxhuar shumë para, për shembull fondet e tërmetit. Sigurisht në aferat e tij janë të përfshirë dhe persona të tjera. Kemi pasur akuza konkrete për abuzimet me fondet, megjithatë nuk kemi pasur padi.”- deklaroi gazetari.
Discussion about this post