Ashtu si çdo banor tjetër që eliminohet, edhe Sabiani ishte i ftuar sot në Fun Club, ku foli për eksperiencën e tij në Big Brother. Sigurisht nuk mund të lihej pa përmendur edhe lidhja e tij e ngushtë me Ilirin me të cilin ka krijuar edhe një miqësi të fortë brenda shtëpisë. Ndër të tjera ai ka shpjeguar edhe arsyen pse balerini, miku i tij i ngushtë, nuk doli pas tij, siç tentoi të bënte edhe herën e parë kur Sabiani u eliminua disa javë më parë, i pyetur nga e ftuara në studio.
Julka: Sigurisht pashë që Iliri u prek shumë kur doli Sabiani, por nga sa mbaj mënd, Iliri donte të largohej kur Sabiani iku herën e parë. Ndërkohë që nuk e pashë që të kishte ndonjë tundim për tu larguar.
Dojna: Sabian e prisje që Iliri ta thoshte dhe herën e dytë që doli Sabiani dhe unë do dal?
“Ne kishim vendosur që nëse do të ndodhte një nominim, do të rrinim aty. I thashë nëse del, unë do të dal pas teje. Më tha jo. Nëse njëri del, do vijojmë rrugëtimin edhe për tjetrin. Me Ilirin u përshtata se ishte i pjekur, me një karrierë të bukur dhe të vështirë. Ai nuk kishte ndonjë informacion të madh për karrierën time. Çdo gjë lindi aty. Ne u lidhëm shumë me njëri-tjetrin, edhe pse kishim mendime edhe të ndryshme. Unë do ta mbështes deri në momentin që do të dalë nga BB VIP, Ilir ke këtu vëllain”, u shpreh ai.
Për sa i përket çmimit të madh, ai tha se nuk e kishte synuar ndonjëherë, madje nëse do e fitonte pjesën më të madhe do i çonte për bamirësi dhe pjesën tjetër do t’i ndante me Ilirin.
“Unë çmimin e madh nuk e kam pretenduar ndonjëherë. Nëse do e fitoja, 60 për qind do të kalonin për bamirësi, pjesën tjetër do e ndaja me Ilirin. Me profesionin që kemi edhe i bëjmë ato 100 mijë euro”, tha Sabiani.
Gjithashtu Sabiani u shfaq dyshues mbi eliminimin e tij, duke deklaruar se kur doli kuptoi se kishte mbështetje të madhe nga publiku dhe i është dukur e habitshme që është eliminuar, por nuk ka dashur të thotë asgjë konkrete duke qenë se ka vendosur të presë dhe të qartësohen.
Discussion about this post