Napoli ka lënë tre pikë të çmuara në garën për titullin kampion, pasi humbi me rezultatin minimal 0-1 ndaj Empolit. Cutrone kaloi në avantazh miqtë, në minutën e 71-të dhe rezultati mbeti i pandryshuar deri në fund.
Në këtë ndeshje mbrojtësi Amir Rrahmani e ka nisur si titullar për Napolin. Ndërkohë, edhe Ardian Ismajli e Nedim Bajrami e nisën që nga minuta e parë për Empolin, ndërsa ky Bajrami u zëvendësua në pjesën e dytë.
Edhe Lazio ka bërë një hap fals, duke humbur tre pikë përballë Sassuolos që fitoi me rezultatin 2-1 me 10 lojtarë në fushë. Lacialët shënuan të parët me Zaccagnin, por Berardi dhe Raspadori i dhanë avantazhin vendasve në pjesën e dytë.
Mbrojtësi Elseid Hysaj e nisi si titullar sfidën për Lazion, por u zëvendësua në minutën e 78-të nga Vedat Muriqi, ndërsa Thomas Strakosha luajti 90 minuta në portë.
Me këto rezultate, Napoli ndodhet në vendin e katërt me 36 pikë, ndërsa Lazio ka 25 pikë në vendin e nëntë. Empoli dhe Sassuolo mbajnë respektivisht vendin e shtatë dhe të 12-të.
Discussion about this post