Këngëtari Sabri Fejzullahu ka një marrëdhenie shumë të afërt me nusen e djalit të tij, Arianën dhe nuk i kursen as fjalët e ngrohta për të.
Ditën e sotme, Ariana feston 34-vjetorin dhe shumë miq e dashamirës nuk i kursyen urimet për bukuroshen, e cila prej vitesh është kthyer në një personazh të mediave rozë.
Më i veçanti është padyshim ai i babait të Ermalit, këngëtarit Sabri Fejzullahu, që i ka befasuar të gjithë me fjalët e ndjera.
Ai ka postuar po ashtu një foto të nuses dhe i ka dedikuar disa fjalë tepër emocionuese.
“Atë ditë të madhe që erdhe na e zbukurove shtëpinë ti lule e jona. Edhe 100 të tjera”, ka shkruar Sabriu, duke treguar dashurinë e madhe që ka për nusen e të birit.
Ariana dhe Sabri Fejzullahu janë të njohur në media për marrëdhënien si ‘babë e bijë’ që kanë.
