Sadetin Fishta: Testi i drogës për policët duhej bërë më parë

Kreut i Sindikatës së Policisë së shtetit, Sadetin Fishta, ka deklaruar sot gjatë një interviste televizive se testi i drogës për punonjësit e policisë është i vonuar. Gjithsesi, ai beson se përmes këtij testi do të arrihet edhe shkëputja e policisë nga grupet kriminale.

“Unë mendoj që ky test do të jap efektet shumë shpejtë. Madje duhej të ishte bërë më parë, është i vonuar, pasi vërtetë kemi policë që konsumojnë drogë dhe kjo nuk duhet toleruar. Vërtet është vonë, por mendoj që po hidhen hapat e parë për të çliruar policinë nga grupet kriminale dhe për t’i goditur këtu grupe”, u shpreh ai, ndërsa kërkoi që analizat laboratorike pas testit të bëhen me kujdes dhe të mos lejohen ndërhyrje. Kujtojmë se disa efektivë police kanë dalë pozitivë ndaj këtij testi, por ata janë shprehur se ka pasur gabime nga laboratori madje e kanë ankimuar këtë rezultat.