Safet Bajri (Rustemi), i njohur ndryshe si “i forti” i Shkodrës ka hequr dorë nga kërkesa e lirimit me kusht, ndërsa vuan dënimin në burgun e Fierit. Mësohet se Bajri kishte bërë kërkesë pranë Gjykatës së Tiranës, por më pas ai ka hequr dorë për arsye ende të paqarta.
Mediat në Belgjikë e kanë konsideruar 38-vjeçarin Safet Bajri (Rustemi), si bosin e një organizate kriminale të fuqishme në veri të Shqipërisë. Ai është dënuar më 25 Janar 2017 nga Gjykata e Apelit e Brukselit me 9 vite burg, si kreu i një organizate kriminale të trafikut të drogës dhe prostitucionit në kryeqytetin belg.
Kjo organizatë është përgjegjëse gjithashtu për shkatërrim të pronës, përdorim të armëve të zjarrit, tentativë vrasje, zhvatje e trafik të qenieve njerëzore me qëllim prostitucionin. Ai është arrestuar në Tiranë dhe po vuan dënimin në burgun e Fierit.
Discussion about this post