Historia e stadiumit të ri të Milanit dhe Interit pasurohet me një kapitull të ri: në takimin e zhvilluar sot me Bashkinë e Milanos, klubi i Milanit, përmes presidentit Paolo Scaroni, shprehu zyrtarisht interesimin e tij për zonën e hipodromit La Maura (pranë Meazza), për të ndërtuar vetë stadiumin e tij.
Pozicioni i Interit u shpjegua nga Alessandro Antonello, i cili ishte i pranishëm në takim: “Për ne, opsioni kryesor mbetet stadiumi ‘San Siro’ së bashku me Milanin, por nëse kuqezinjtë duhet të zgjedhin një zonë tjetër, ne kemi një plan alternative, siç kemi thënë gjithmonë. Ne presim rezultatin e vlerësimeve të Milanit, pastaj do të takohemi përsëri dhe do të bëjmë një bilanc”.
Antonello, duke nënvizuar, se si Interi nuk u befasua nga rruga e re që mund të merrte Milani (“Natyrisht, kur ka ndryshime pronësie, vizionet mund të ndryshojnë “), shton se ideja e një ‘San Siro’ ekskluzivisht për zikaltrit nuk është parashikuar:
“Absolutisht jo. Ka dy opsione: ‘San Siro’ me Milanin, që mbetet një projekt live në pritje të vlerësimeve të reja ose, nëse kuqezinjtë shkojnë në La Maura, ne kemi një plan B, që nuk mund ta zbulojmë për shkak të një marrëveshjeje konfidencialiteti. Do të ishte jashtë bashkisë së Milanos, brenda qytetit zonat janë të kufizuara”.
Discussion about this post