Ish ministri i Brendshëm Saimir Tahiri ka lënë ambientet e burgut 313 në Tiranë dhe është nisur drejt Fierit, ku do të vuajë dënimin e caktuar nga gjykata prej 3 vitesh dhe 4 muajsh burgim. Ish ministri i Brendshëm, qëndroi për 5 ditë me radhë në qelinë e burgut 313 në kryeqytet.
Më herët, Gijotina.com raportoi pamjet nga ku ish-ministri do të kryeje dënimin e tij brenda burgut të Fierit. Ky institucion është i sigurisë së zakonshme dhe është realizuar në kuadër të programit IPA 2007-2010. Punimet për zbatimin e këtij projekti kanë filluar në shkurt 2011 dhe kanë përfunduar në dhjetor 2014.
Tahiri, edhe pse u dënua vetëm për “Shpërdorim detyre”, duke iu shpëtuar akuzave “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal”, sërish beson në pafajësinë e tij. Ai u dënua me vendim të formës së prerë, ndonëse brenda 30 ditëve Gjykata i dha mundësinë e një rekursi në Gjykatën e Lartë.
Discussion about this post