Kryebashkiakja e Durrësit, Emirjana Sako braktisi Komisionin Hetimor ku ishte thirrur për të dëshmuar për aferën e inceneratorëve, dhe u largua pa i shkuar deri në fund pyetjeve.
Vetëm pak pas largimit të saj, PD njoftoi se do të ngrejë padi për të, për refuzim të dëshmisë. Ndërkaq, deputeti demokrat Belind Këlliçi tha se Sako u largua pa dhënë përgjigjet, ndërsa shtoi se më 14 shkurt i ka dhënë 200 mijë euro Klodian Zotos.
Këlliçi ngriti dyshimet nëse ka pasur kryebashkiakja kontakte me tre personat në kërkim për këtë aferë korruptive, Klodian Zotos, Stela Gugalles dhe Mirel Mërtirit.
“Kjo arrogancë sot është e transmetuar te kjo që na erdhi sot. Duhet të jepte përgjigje dhe na thotë përgjigjen do e merrni në 6 mars. Duhet të ishte vetëm për tu përgjigjur pyetjeve. Në 14 shkurt i ka dhënë 200 mijë euro Klodian Zotos. A ka pasur kontakte sot me Zoton, Mërtirin dhe Gugalljan? Fliste me Dakon ndërkohë që ishim në komision. Ju keni ardhur këtu sot për të prishur komisionin hetimor dhe kjo është e qartë fare”, tha ai.
Sakaq, Këlliçi akuzoi deputeten socialiste Ermonela Felaj se ka si qëllim të prishë punën e komisionit.
Discussion about this post