Emiriana Sakon shfrytëzon çdo situatë për të nxjerrë lekë nga arka e Bashkisë Durrës. E “trembur” nga aksioni i hakerave iranianë, ajo ka hapur një tender më objekt “Shërbimet e përmirësimit dhe mirëmbajtjes së softëare-ve”.Me pak fjalë, Sako do të punësojë disa ekspertë IT që të përmirësojnë sistemin e Bashkisë Durrës. 70 milionë lekë do të shpenzohen për këtë shërbim, i cili do të zgjasë për 1 muaj. Pra deri në fund të viti i gjithë sistemi duhet të jetë rinovuar dhe të jetë i sigurtë përpara zgjedhjeve. Për të qenë e sigurt se të dhënat e sistemit nuk do të përdoren nga persona “të rrezikshëm”, Emiriana Sako ia ka xhiruar fondin mikut të Blendi Gonxhes (pjesë e enturazhit të Ramës).
Diçitura1: Tenederi i Bashkisë Durrës
Në prokurim kanë paraqitur ofertë kompania A-T-D – ALBANIAN TECHNOLOGY DISTRIBUTION, në pronësi të Nursen Metulit dhe firma PRIMUS ALBANIA. Kjo e fundit është skualifikuar menjëherë nga gara me justifikimin se nuk ka paraqitur autorizimin nga prodhuesi për pajisjet. Rrjedhimisht, tenderi ka kaluar në duart e A-T-D – ALBANIAN TECHNOLOGY DISTRIBUTION, e cila në fakt është vetë prodhuese dhe distributor.
Mënyra se si është mbyllur kontrata tregon që ka cenim konkurrence. Open Data Albania e ka pajisur me “flamurin e kuq” për mos respektim të ligjit të prokurimeve. Tenderët me “flamur të kuq” sjellin risk të lartë për abuzim me fondin.
“Fluturon” Emiriana Sako, blen skenë lëvizëse 50 milionë lekë, i duhet për fushatën elektorale
Kush është Nursen Metuli?
Në këtë rast duhej patjetër të bëhej “një sy qorr e një vesh shurdh” për shkak se fituesi Nursen Metuli është ortaku më i mirë i kreut të DPSHTRR Blendi Gonxhe. Kjo kompani merret me programim softesh, Suport IT dhe konsulencë. Blendi Gonxhja përveçse merr rrogë si Drejtor i Përgjithshëm i DPSHTRR-së, ka në pronësi edhe kompaninë ALBARENT SH.P.K. me 100% të aksioneve. Kjo është një kompani e cila jep makina me qira. Kështu shpesh herë Gonxhe bashkëpunon me Nursenin dhe me një skemë kanë përfshirë të dyja kompanitë për të përfituar tenderë.
Dicitura 2: Të dhënat e komoanisë A-T-D – ALBANIAN TECHNOLOGY DISTRIBUTION SH.P.K.
A-T-D – ALBANIAN TECHNOLOGY DISTRIBUTION SH.P.K. është ndërmjetësi mes Blendi Gonxhes dhe lekëve tenderëve. Këtë e vërtetojnë disa dokumente të cilat janë firmosur nga dy kompanitë për të bashkëpunuar.
Diciturë3: Foto e makinës sëA-T-D – ALBANIAN TECHNOLOGY DISTRIBUTION SH.P.K.
Makina në foto është publikuar në faqen në facebook të kompanisë A-T-D – ALBANIAN TECHNOLOGY DISTRIBUTION SH.P.K. dhe ka targën AA 778 JH. Lehtësisht në foto dallohet edhe logo e kësaj kompanie. Kompania A-T-D – ALBANIAN TECHNOLOGY DISTRIBUTION SH.P.K., është një kompani e cila merret me sistemet GPS të gjurmimit të makinave. Në bazë të disa dokumenteve të këtij mjeti, si dhe në bazë të të dhënave të shasisë, rezulton se kjo makinë është në përdorim nga ALBARENT SHPK që është në fakt edhe firma në pronësi të Blendi Gonxhja.
Dicitura 4: Dokument për zotërimin e makinës
Dicitura 5:Dokument për prodhuesin e makinës
Me pak fjalë Gonxhe mban lidhjet me Nursenin i cili e furnizon me makina, ndërsa kreu i DPSHTRR i përdor më pas për shërbimet e tenderëve që fiton. Madje, Gonxhe e ka ndihmuar këtë të fundit që të përfitojë edhe shumë tendera nga institucione të tjera. Rasti më i fundit ishte nga bashkia Durrës, e cila nuk hezitoi t’i falte kontratën Nursenit pa u lodhur fare. Zgjedhjet po afrojnë, abuzimet vazhdojnë, ndërsa SPAK dhe BKH janë gjumë letargjik.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post