Ylli i Liverpool, Mohamed Salah e ka pranuar se ai dhe shoku i skuadrës Sadio Mane mund të jenë egoistë kur bëhet fjalë për realizimin e golave.
Çifti i sulmit të ‘The Reds’ kanë shënuar 20 gola deri më tani në Premier League. Ekipi i drejtuar nga trajneri Jurgen Klopp renditet aktualisht në vend të dytë të tabelës se elitës së futbollit anglez pas Manchester City-t.
Mane shfaqi zhgënjimin e tij që Salah nuk i asistoi atë gjatë një ndeshjeje kundër Burnley në shtator të vitit 2019. Lojtari nga Senegali do të kishte shansin për të shënuar, nëse egjiptiani do të kishte pasuar, por ky i fundit e qëlloi vetë topin.
Pak çaste më pas Mane u zëvendësua dhe u tërbua në bankinë, me Roberto Firmino dhe James Milner që tentuan ta qetësonin.
Në një intervistë me ‘MBC Masr TV’, Salah foli për këtë moment dhe këmbënguli se marrëdhënia e tij me Mane ishte absolutisht e mirë.
“Ne jemi bashkëlojtarë në fushë dhe në dhomën e zhveshjes, ne kemi një marrëdhënie shumë profesionale. Ne të dy japim gjithçka që kemi për të ndihmuar skuadrën të fitojë. Ndoshta ne po konkurrojmë për të treguar se kush është më i miri, dhe kjo është normale në çdo ekip dhe një e drejtë legjitime për çdo lojtar, por në fund, ne i shërbejmë ekipit”.-theksoi ai./K.T/Gijotina.com
Discussion about this post