Në “Foltoren” e sotme në Elbasan, ish-kryeministri Sali Berisha ka akuzuar Ramën se po mban peng heqjen e vizave nga BE për Kosovën. Sipas tij, BE nuk hap derën për Kosovën për shkak të korrupsionit të lartë në Shqipëri.
“Një nga organizatat më të fuqishme e ka klasifikuar Edi Ramën në një nga politikanët më të parëndësishëm në Ballkan. Jo se ne jemi vend i parëndësishëm, sepse ne kemi një pozicion të mirë strategjik. Por, një njeri që sillet si ordiner, që i thotë idjot një drejtuesi të madh perëndimor dhe faturën e paguajmë ne.
Prej 6 vitesh diskutohet që ne të konsiderohemi në një nga vendet BE, të na jepnin fonde dhe të mos na përfshinin, të mops kishin më punë me ne. Por nuk e bënë, lanë mundësinë për zgjerim, kur ne kemi nivelin më të lartë të azilkërkuesve. Kjo nuk ndodh. E di që kjo pengon edhe Kosovën. Jua them unë, Kosovës nuk i jepen vizat për shkak të nivelit të lartë të korrupsionit në Shqipëri”, u shpreh ai. Ndërsa shtoi se, Ramën nuk e do asnjë në Ballkan, është i padëshirueshëm.
