Pas Durrësit, Ervin Salianji ka vijuar takimet me strukturat e PD në qytetin e Gjirokastrës. Sic u shpreh në fillim të fjalës, Salianji tha se shqiptarët kërkojnë ndryshim real që vetëm PD mund ta bëjë.
“Edi Ramën ne duhet ta mundim dhe mund ta mundim. Por nuk mund të rrimë edhe 7 muaj pas zgjedhjeve për të ngrohur karriget tona dhe të mos flasim për disa probleme. Problemi i brendshëm është i pakapërcyer. Në këtë periudhë nuk ka ndryshuar gjë. Për vite të tëra kemi qenë parti që reagon, por parti që kujton të shkuarën duket shpeshherë. Vendi ka nevojë për energji të reja dhe njerëz që kanë marrë votëbesimin e qytetarëve. Është e vështirë që një parti politike të fitojë pa pasur të vërtetën dhe moralin me vete dhe kjo është e vërteta jonë. Edi Rama këtë nuk mund ta mundë dot. Është e vështirë që një parti politike të fitojë nëse nuk ndryshon gjuhën politike të drejtimit. Shqiptarët kërkojnë ndryshim real që vetëm PD mund ta sjellë”, tha ai.
Ervin Salianji, theksoi se PD duhet të krijojë organizma që janë të përgjegjshme dhe se nuk është më koha për të thënë “na e hodhi Rama”.
Duhet krijuar struktura në PD që nuk bëjnë gabime.
“PD duhet të ringrihet, për të mbushur sheshet. Nëse ne nuk kemi guxim të ndryshojmë veten Shqipëria do ta ketë të vështirë, të ndryshojë. PD po duket që po atrofizohej, nuk po analizonte veten e vet. Sot më vjen mirë që pas fuqisë së demokratëve, PD sot është në një tjetër marsh. Ka më shumë takime, analiza e debat. Në fund, dua të them se ne kemi diskutuar se si PD ka bërë gabime në sistemin zgjedhor, lënien e mandateve, ndarjen territoriale, tek mosvlerësimi i njerëzve që janë votuar tek qytetarët. Por edhe sot PD na paska bërë një gabim tjetër, i jap të drejtë Berishës që tha për Avokatin e Popullit. A duhet vetëm të qajmë për gabimet që bëjmë. Si mundet PD dhe grupi parlamentar të shkojë pa strategji dhe ti japë ramës 15 emra dhe të zgjedhë cilin të dojë. Si mundet PD të mos ketë guximin të thotë që kandidatura jonë do jetë Adriana Kalaja, Skënder Aluci. Si ka mundësi që PD nuk mban qëndrim të qartë…”, tha ai.
gijotina.com/
Discussion about this post