Ervin Salianji, deputet i PD-së, është bnjë nga 3 ligjvënësit e opozitës, që për 10 ditë është përjashtuar nga punimet e Kuvendit, pas seancës së të enjtes.
Në një postim në rrjetet sociale, Salianji ka ironizuar deputetët firmëtarë socialistë, që me kërkesën e tyre, vunë në lëvizje Komisionin e Etikës, që në një mbledhje online, miratoi të përjashtuarit e rradhës.
“Memecët parlamentarë qe nuk i sheh askund të ushtrojnë funksionon e deputetit, e jane aty për tu komanduar me fishkellima, paskan nënshkruar perjashtimin tonë se kërkojmë të zbatohet ligji”, shkruan Salianji në rrjetet sociale. Duke i bërë nga një “profil” të shkurtër secilit prej firmëtarëve, deputeti demokrat shprehet se i pari ndër firmëtarët është Fadil Nasufi, që kryeson e sterron dosjet e SPAK, dhe lista shkëlqen me deputetë që gojë s’kanë, por dorën e kanë të rëndë si gjobaxhinj.
Postimi i Salianjit
Memecët parlamentarë qe nuk i sheh askund të ushtrojnë funksionon e deputetit, e jane aty për tu komanduar me fishkellima, paskan nënshkruar perjashtimin tonë se kërkojmë të zbatohet ligji!
Memecët parlametarë shkruajnë e nënshkrujnë për mbyllje goje të kujtdo!
Këta që gojën e kanë të mbyllur dhe vullnetin të ndrydhur sepse janë të zhytur në korrupsion e paligjshmëri dashkan të bëhemi si këta .
Kush e nenshkruan i pari, Fadil Nasufi që kryeson e sterron në dosjen e SPAK, ish kryebashkiaku i Beratit i padukshëm në jetën parlamentare, por protagonist fort në dosjen e SPAK që shfaqet si shërbëtor i përulur ndaj korrupsionit, që përgatit shkresa dhe letra dhe vihet në dispozicion me për të mashtuar keshillin bashkiak që të përfitojë nga tenderat korruptivë! Që i japin shkresa gati për ti firmosur!
Vazhdon lista e peticionerëve, me ish ministra të akuzuar për korrupsion masiv; për fikje radarësh, hapje e rende kjo “fikja” për të lehtësuar trafikun e drogës; Askushi e Arsimit e akuzuar për plagjiaturë, që shkatërroi arsimin dhe detyroi studentët ta zbythin! Shkëlqejnë pas tyre deputetë nënshkrues që gojë skanë por dorën e kanë të rëndë si gjobaxhinj kur kanë drejtuar tatimet dhe institucionet vendore në Vlorë e Fier!
Listën e nënshkruesve e mbyll ish ministrja Gjonaj e padrejtësisë, e akuzuar në prokurori për lehtësimin e financierit të bandës të strukturuar kriminale Seitaj. Nazer Seitajt hetohej në lidhje me 4 ton drogë të kapura në Babicë të Vlorës por ish Ministrja firmosi ekstradimin për të lehtësuar grupet kriminale! E për këtë kërkuam komision hetimor dhe këtë e refuzuan se do ta “hetonte” drejtësia!
Këta janë ata që sduan parlament e opozitë, këtë model duam të ndryshojmë, të shkelmojmë korrupsionin që shpërfaqet banalisht por kryelartë prej paprekshmërisë!
Discussion about this post