Në një intervistë për mediat, deputeti i Partisë Demokratike, Ervin Salianji, ka folur për mbajtjen e Kuvendit të thirrur nga Sali Berisha më 11 Dhjetor, dhe atë të thirrur nga Basha në 18 Dhjetor.
Ai është shprehur se në mitingje mund të shkojë kushdo që kërkon të bëjë betejë me SHBA-në për interes personal të Berishës, ndërkohë që Kryesia e PD-së ishte unanime në mbështetje të Kuvendit në 18 dhjetor.
“Ka vetëm një Kuvend, pavarësisht se ka një tollovi të krijuar nga Sali Berisha për mitingun e tij. Në mitingje mund të shkojë kushdo që kërkon të bëjë betejë me SHBA-në për interes personal të Berishës, ndërkohë që Kryesia e PD-së ishte unanime në mbështetje të Kuvendit në 18 dhjetor. Procedura është thelbësore: nëse unë kam 5200 firma dhe i depozitoj te dikush që i njoh, kjo nuk do të thotë asgjë. Duhet të kalojnë përmes procedurave. Të mos kesh besim te institucioni, nuk do të thotë se nuk e njeh atë. Firmat duhet të verifikohen, pastaj kalojnë në Kryesi dhe në fund merret vendimi për një datë. Ndryshe, gjithsecili përcakton datën e vet” – ka thënë Salianji.
Ai më tej ka theksuar se 11 dhjetor është përcaktuar në mënyrë të njëanshme, me vullnet personal dhe që i shërben Edi Ramës.
“Data 11 është përcaktuar në mënyrë të njëanshme, me vullnet personal. Dikush mund të ndihet pronar dhe sikur i është cenuar prona. Ky nuk është shqetësimi i demokratëve. PD nuk ka nevojë që të mbledh firmat për datën 18. Institucioni të bën të jesh delegat. PD do çoj kartat e delegatëve që të verifikohen në komision. Kjo është një tollovi, që pasi të bëhet mitingu do shpërbëhet si Foltoret. Kjo po bëhet për t’i çuar ujë Ramës” – tha Salianji.
Discussion about this post