Deputeti i Partisë Demokratike Ervin Salianji është shprehur se shqiptarët do ta ‘marrin para’ qeverinë dhe se nuk do të ketë më asnjë ‘hile’ që do tu japë atyre fitoren. I pranishëm në Kuvend, Salianji thotë se nuk nisen për qëllime elektorale, ku flasin për reformën territoriale, por shtoi se kjo bëhet në mënyrë që çdo qytetar duhet të marrë shërbimin që i nevojitet në një mënyrë më të shpejtë. Salianji tha se fshatrat po shpopullohen, ndërsa numri i punonjësve në administratë është rritur pa kriter.
“Përdhunues, trafikantë droge, njerëz me rekorde të tmerrshme, e keni marrë njësinë e madhe dhe ia keni bashkëngjitur Maliqit, për interesa elektorale e gjitha. E keni çuar në qendër Maliq, por të gjitha fshatrat janë bashkua. As rrugë, as kanalizime, as asgjë. Në asnjë prej fshatrave s’ka asgjë. Në Bashkinë e Korçës ka një diskriminim masiv, njëra pjesë ngjan si ‘gheto’. Po ju themi që njësinë Voskopojë ta nxjerrim më vete, që në Pogradec, Starova të jetë më vete. Mokra ka më afër Prrenjasin sesa Pogradecin. Askush të mos bëjë llogari elektorale, ju niseni nga kjo gjë, thoni, do e shikoni që do e fitojmë sepse kështu e kemi marrë edhe herët e tjera. Kush e ka bërë këtë llogari? Populli do t’ju marrë para, nuk ka më hile që do t’ju mbajë, logjika hajde ulemi në reformë, bëjmë sikur bëjmë diçka dhe vini këtu në një mënyrë krejt fyese. Në të gjitha fshatrat shikoni, ka shpopullim masiv të zonave, shikoni pak prioritetet që keni pasur. Propozuat dhe thatë që kjo reformë do të ulë numrin e punonjësve dhe do të rrisë eficensën, por numri i punonjësve është rritur. Keni punësuar njerëz që jetojnë jashtë dhe po kërcënoni të tjerët me ndihmën ekonomike,”- tha Salianji.
Discussion about this post