Për rikonfirmimin në krye të detyrës si Ministër i Mbrojtjes Niko Peleshi, ka reaguar ditën e sotme deputeti i zgjedhur i Partisë Demokratike, Ervin Salianji. Në postimin e tij në facebook, Salianji thotë se prej 2 vitesh ekziston një kallëzim në SPAK ndaj ministrit Peleshi, për përdorim pesticidesh të rrezikshme.
Kallzimi ka të bëjë që në kohën kur ministri Peleshi, në atë kohë Ministër i Bujqësisë, ka lejuar shitjen e një sasie të madhe pesticidi me emrin ‘Silicon Mix’ në Shqipëri si pleh kimik, edhe pse ishte bllokuar nga AKU. Salianji thotë se ‘Silicon Mix’ ishte bllokuar nga AKU, por me një urdhër të ish-ministrit Niko Peleshi, bllokimi u hoq dhe në treg u shitën 4600 kilogram kimikat. Skandali është evidentuar nga ana e Kontrollit të Lartë të Shtetit, i cili akuzon ish-ministrin se ka shkelur ligjin.
Ai gjithashtu ngre pyetjen se si mundet të bëhesh Ministër, kur ke helmuar qytetarët me pesticide dhe në vend që të ishte i pandehur, promovohet si ministër.
“Në qeverinë e ricikluar ofrohet dhe mbrojtje për Niko Peleshin!
Prej 2 vitesh, ndaj tij qëndron një dosje në SPAK, për përdorim pesticidesh të rrezikshme. Një sasi e madhe pesticidi me emrin ‘Silicon Mix’ shitej në Shqipëri si pleh kimik, gjatë kohës kur Peleshi ishte Ministër i Bujqësisë.
‘Silicon Mix’ ishte bllokuar nga AKU, por me një udhër të ish-ministrit Niko Peleshi, bllokimi u hoq dhe në treg u shitën 4600 kilogram kimikat.
Skandali është evidentuar nga ana e Kontrollit të Lartë të Shtetit, i cili akuzon ish-ministrin se ka shkelur ligjin.
Si mundet të bëhesh Ministër, kur ke helmuar qytetarët me pesticide si Silicon Mix?
Peleshi sot duhet të ishte i pandehur dhe me mbrojtës para gjykatës por mbrohet dhe promovohet si Ministër i Mbrojtjes.
Niko Peleshi duhet të dalë sa më parë para drejtësisë për helmim të produkteve ushqimore” – thuhet në postimin e Salianjit.
