Sot, në komisionin e Sigurisë, nisi shqyrtimi në parim i projektligjit për Policinë e Shtetit ku i pranishëm ishte edhe ministri i Brendshëm Taulant Balla, i cili në fjalën e tij u shpreh për sukseset e paarritshme të policisë shqiptare.
Por fjala e ministrit Balla, nuk është pritur aspak mirë nga deputeti demokrat Ervin Salianji, i cili ka theksuar se nuk mund të cilësohet sukses, kur vetë kreu i SPAK-ut flet për inkriminim të krerëve të lartë të policisë, kur Shqipëria konsiderohet si vendi tranzit i kokainës dhe heroinës për në Europë.
Salianji e ka cilësuar si një dorëzim total të policisë përballë një vrasësi me pagesë si Nuredin Dumani vazhdon të kryejë krime nga burgu, fliste në internet dhe në dhomë mbante palestër, duke kërkuar llogari dhe shpjegime si ka mundësi që ndodh kjo dhe kush mban përgjegjësi që një kriminel që ka vrarë shumë njerëz vazhdon aktivitetin kriminal nga burgu.
“Po t’ju bëj një pyetje, po te kjo ka ndonjë përgjegjësi policia e shtetit, që del ky Nuredin Dumani që ka vrarë gjysmën e njerëzve në Shqipëri dhe që duhet të ruhet nga njësia e mbrojtjes së dëshmitarëve dhe pjeshkëron aty si i do qejfi 24 orë me ca i do qejfi, që vendos gjoba dhe vazhdon aktivitetin kriminal si i do qejfi. Kush është një që është simbol që e njohin të gjithë? Është ky Nuredin Dumani? Nuk ka mundësi që policia le ta kontrollojë jashtë që nuk kontrollon dot, por edhe nga burgu vazhdon aktivitetin kriminal dhe na shfaqet si hero, me palestra me salltanete, me ca të mundet. A keni ju z.ministër përgjegjësi apo i kërkon ju përgjegjësi që nuk e ka kryer punën. Pse me dy policë të pezulluar e kanë lejuar atë të bëjë atë që bën. Ai është dëshmitar i mbrojtur”, tha Salianji.
Teksa kritikoi ligjin për policinë e shtetit që u prezantua nga ministri Balla, Salianji deklaroi se raportet ndërkombëtare flasin për lidhje të policisë me krimin e organizuar.
Deputeti demokrat solli shembullin e Ardi Veliut, duke thënë se është i zhytur kokë e këmbë në korrupsion.
“Një ndër raportet më të zinj që kanë qarkulluar për Policinë e Shtetit. Raporti i DASH për vitit 2023 qendër tranziti e drogërave të forta kokainë dhe heroinë, lidhjet e policisë me grupet kriminale. Kemi problem të bashkëpunojmë për shkak të lidhjeve me grupet kriminale, vlerësim për çdo polic që rri në vapë e shi, që përballen me drejtues të inkriminuar, ke zyrtarë të lartë të Policisë së Shtetit. Keni arritur të kapni ndonjërin nga ata? Tre herë keni sjellë ndryshime këtu për Vettingun në polici. Me anën e Vettingut ka reaguar vetëm një person mos ta përmend atë të shkretin, u harxhuan para për komisione Vettingu, po një e keni në detyrë dhe një që e keni shkarkuar.
Ne po ju themi një gjë, vlerësim për çdo punonjës të policisë së shtetit që përballet me krimin dhe drejtues të inkriminuar.
Ka qenë aty Ardi Veliu, e ke kokë e këmbë të zhytur në korrupsion, përveçse analfabet. Shoferi i drejtorit të përgjithshëm të policisë dhe shoferi i drejtuesit të AMP të arrestuar për trafiqe dhe korrupsion.
Sot paguani dy drejtorë, një që e keni në detyrë dhe një që e keni shkarkuar, Gledis Nano që tha është dekonspiruar operacioni ‘Plumbi i Artë’”, tha ndër të tjera Salianji.
Discussion about this post