Ditën e sotme është tensionuar situata në Parlament, ku ish-kryeministri Sali Berisha është përplasur me disa nga deputetët, përfshirë edhe ata të PD-së. Në fjalën e tij ai akuzoi Bashën dhe anëtarë të tjerë të PD se po ndihmojnë Ramën të shkatërrojnë sistemin e drejtësisë në vend. Ai madje iu ka kërkuar PD dhe PS që të ndërpresin diskutimet për vettingun dhe të hedhin në votim zgjatjen e afateve.
“Po flas për zërin e qytetarëve. 25% e qytetarëve u besojnë reformës në drejtësi. A e dini që reforma është një nga shkaqet e spastrimit? Ndërpritini diskutimet dhe hajde ta votojmë. Historia nuk do t’ua falte kurrë”, tha ai.
Menjëherë pas Berishës në Foltore është ngjitur Ervin Salianji, i cili ka thënë ish-kryeministrit se është një nga fajtorët dhe përgjegjësit për reformën në drejtësi. Sakaq, ai tha se zgjatja e vettingut është këshilluar edhe nga SHBA dhe demokratët nuk kanë pse të prishin marrëdhëniet me amerikanët për shkak të Berishës.
“Nëse ka dikush që të është përgjegjës për reformës në drejtësi, duhen gjetur tek ajo pjesë që e ka votuar me 140 vota. Ka zgjedhur gjysmat e komisionerëve te Vettingut. Sot aty janë për t’i dhënë se kjo i shërben Edi Ramës. Edi Ramës i shërben që ndërkombëtarët të mos kenë asnjë akses. Me çfarë ta luftojmë Edi Ramën? Përse ta luftojmë SHBA për faj të dikujt në PD? T’i themi të vërtetat si janë”, u shpreh Salianji. Berisha ka kërkuar sërish fjalën që të vazhdojë replikën me Salianjin, por nuk i është lejuar nga Nikolla.
Pjesë nga debati në Kuvend:
Sali Berisha: Kjo katastrofë do të paktën 20 vite për tu riparuar, marrëveshja e sotme… i dëgjoj kur flasin dhe mashtrojnë qytetarët, e dini ju zonjë se vetëm 24 % e shqiptarëve i besojnë sot Reformës në Drejtësi, pseudoreformën e George Soros dhe Edi Ramës. Ndërprisni më mirë diskutimet dhe kaloni direkt në votim.
Ervin Salianji: Po të kishim mundësi për ta ndërprerë procesin e votimit, edhe unë do të isha pro, nëse është dikush që përgjegjës për cdo centimetër që Rama kontrollon të reformës në drejtësi janë ata persona që e votuan Reformën, përfshirë edhe parafolësin. SHBA nuk duhet të ketë asnjë akses, as BE dhe as ambasada gjermane. Po me çfarë ta luftojmë ne Edi Ramën? Me mullinjtë e erës?
Sali Berisha: Dua ta sqaroj pak këtë zotërinë, po ne jemi për Vetingun, që ta dish ti, se ty të intereson gjysma e bravës, ka qenë marrëveshje që 7 ligjet do të kalonin me konsensus. PD sot është opozita e vërtetë shqiptare, jo ju që votoni, sot bëni sikur nuk jeni më.
Discussion about this post