Është mbledhur ditën e sotme Komisioni Hetimor për zgjedhjet e 25 prillit, ku deputeti i Partisë Demokratike, Ervin Salianji ka folur me tone të larta se komisioni duhet të lërë mënjanë kleçkat proceduriale, dhe të nisa nga puna konkrete.
“Dokumentet i dimë ne, i dini edhe ju, të bëjmë të mundur që t’i administrojmë dhe të kalojmë në punë konkrete e të mos mbetemi në kleçka proceduriale. Ky është një propozim për të gjetur sebet që të largoheni. Është e përcaktuar në ligj, është detyrim që t’i përgjigjeni kërkesave të këtij komisioni në kohën më të shpejtë të mundshme”, tha Salianji.
Gjithashtu, deputeti demokrat ka reaguar për ngjarjen e rëndë në Fier, duke thënë se kur bëhet fjala për ngjarje të tilla, del dhe kryeministri Rama e bën opozitën.
“Problemi në këtë vend është se nuk ka frikë njëri nga ligji, sepse ligjin e bën Maliqi dhe del vetë Rama që flet sikur është në opozitë. Ne kemi ligj thotë, por nuk e zbaton njeri, të japim shembullin që ligji duhet të zbatohet, pavarësisht se kujt partie politike i përket drejtuesi i institucionit. Të mos mblidhemi për të diskutuar një amendament kot”, deklaroi ai.
Discussion about this post