Lufta kundër Shteteve të Bashkuara, e shpallur tanimë hapur prej kohësh nga ish-kryeministri i klasifikuar non grata për SHBA, Sali Berisha, pritet që të precipitojë brenda në shtëpinë e demokratëve. Beteja e tij personale dhe krejtësisht unike në interesin personal, në pritje të një pakti garancie me amerikanët, që nuk do të vijë kurrë për të, tashmë kalon në skenarin e anës më të anatemuar që kanë pasur demokratët e Saliut në këto 30 vite sundim, si në opozitë, por kryesisht në pushtet.
Oborri i shtëpisë së forcës pro-amerikane, PD-së, pritet të uzurpohet të shtunën e 8 janarit, tërësisht nga eksponentë të ndryshëm nën petkun e anëtarëve të PD-së, si mercenarë të javëve të fundit, të cilët do të instalojnë aty regjimin e çadrave. Berisha do të ngulet aty dhe nuk do të shkulet deri sa të marrë një sinjal, ose në të kundërt deri në pikën më famëkeqe atë të dhunimit të zyrave, që gjithsesi mbetet një rast i paprecedentë, i ndodhur në partinë që lindi për liri e demokraci, por që po degjeneron në utopi, vandalizim dhe frikë për vrasje.
Saliu ka demonstruar në këto vitet e fundit që është tërësisht i gatshëm të bëjë gjithçka për gjithçka, aq më tepër në një situatë të tillë, ku ka “trenin” e fundit përpara korpusit të drejtësisë. Çadrat janë një tjetër mjet nga ku ai vetë do të prodhojë dhe do të mbajë nën terror selinë dhe atë pjesë që zgjodhën të mbështesin vendimin personal të Lulzim Bashës. Ish-kryeministri ka hapur tashmë në rrethin e tij agresiv të gjitha variacionet për të çuar në ekstrem godinën e një forcë politike që prej disa muajsh po vuan turbulencat e forta, për shkakun e një interesi personal e vetjak të Saliut, që realisht guri që ka në qafë nuk e amniston nga asgjë, por ana tjetër e errët e shtetbërjes dhe shtet-ngritjes së tij do të mund të mbajë gjallën atë vetë dhe “kopenë” e të marrëve që janë verbuar nga ideali për liri, apo ka rënë pre dhe viktimë e një beteje krejtësisht dhe vetëm personale mes Berishës dhe SHBA.
Vetë ai prej muajsh planifikoi të sakrifikoi PD-në për interesat e tij imediate, por hapat e mëtejshëm e deri në çadrat e së shtunës ridëshmojnë karshillëkun dhe kapriçion e tij të drejtpërdrejtë me amerikanët. Pas tij, edhe ish-zyrtarët që kanë gëlltitur çorbën e pushteteve të bëra pis ndër vite nga vetë arkitekti aktual i kësaj lufte të ngritur, me shpresën e vetme të mos prodhojë viktima e xhenaze, thjesht e vetëm për një Non-Grata që nuk të amnistohet kurrë!
Discussion about this post